Көптеген салада контент дайындайтын мемлекеттік ақпарат сайттары, әсіресе Қазақстан премьер-министрлігінің ресми сайты кіретін «QazContent» директорлар кеңесінің төрағасы Бекзат Жүсіп Anadolu агенттігінің (АА) «Жыл кадрлары» дауыс беруіне қатысты, деп хабарлайды El.kz ақпараттық агенттігі Anadolu агенттігіне сілтеме жасап.
«QazContent» директорлар кеңесінің төрағасы Бекзат Жүсіп жыл бойы Anadolu агенттігінің тілшілері мен фототілшілерінің ел ішінде және шетелде түсірген «Жаңалықтар», «Қоршаған орта-өмір» және «Спорт», сонымен қатар осы жылға арнайы қосылған «Жер сілкінісі: Үміт» және «Газа: дәлелдер» категориялары бойынша дауыс беруге ұсынылған фотосуреттердің тарихына үңілді.
Жер сілкінісінен үміт
«Жер сілкінісі: Үміт» санатында Бекзат Жүсіп Айтуғ Джан Сенжардың «Жер сілкінісінің үміті» фотосуретін таңдады. Суретте 6 ақпандағы орталығы Кахраманмараш болған жер сілкінісінде Хатайдың Одабашы ауданында құлаған ғимарат қирандыларынан 29 сағаттан кейін құтқарылған 6 айлық сәби Айше Вера Йылмаз бейнеленген.
Зар
«Газа: Дәлелдер» санатында Белал Халедтің Израильдің Газа секторына жасаған әуе шабуылдары нәтижесінде құлаған ғимараттың қирандыларының арасынан немере ағасы алып шыққан марқұм палестиналық қызды көрсететін «Зар» фотосуретін таңдаған Бекзат Жүсіп «Күнәсіз сәбидің өлімі, адамның шарасыз зары маған қатты әсер етті» деді.
Қашу
«Өмір» санатында ол Серген Сезгиннің Чанаккаледе жел салдарынан орман өртінен қашып шыққан елік бейнеленген «Қашу» фотосуретіне дауыс берді.
Қоқыс допшылары
«Жаңалықтар» санатында Джоедсон Алвес түсірген «Көтеріліс» фотосуретіне, ал «Спорт» санатында Батыс Африкадағы Гвинея мемлекетінің астанасы Конакри жағалауларында қоқыс арасында балалардың доп ойнап жатқанын бейнелейтін Анника Хаммершлагтың «Қоқысшы аяқ доп шеберлері» фотосуретін таңдады.
Көтерілісші
Бразилияда экс-президент Жаир Болсонарудың жақтастары Ұлттық конгреске рейд кезінде қауіпсіздік күштерімен қақтығысты, Бразилия, 8 қаңтар, 2023 жыл.
Фотосуреттер арасында таңдау жасаудың қиын екенін айтқан Бекзат Жүсіп: «Өйткені әрбір кадрдың мағынасы бар. Тағдыр, қуаныш пен азап, үлкен қайғылар мен қарсылық бар. Әсіресе, жер сілкінісі мен Газа секторындағы оқиғалардың фотосуреттері өте әсерлі болды. Соғыс пен апат жағдайында жұмыс істеу оңай емес. Бұл үшін барлық фотографтарға алғысымды білдіргім келеді» деп өз бағасын берді.
AA-ның дәстүрлі «Жыл кадрлары» жобасын сәтті шыққанын баса айтқан Бекзат Жүсіп түрік серіктестермен бірге ынтымақтастықты нығайтуды мақсат етіп отырғанын атап өтті.
Былтыр Anadolu агенттігінің бастамасымен Стамбулда Түрік ақпарат агенттіктерінің қауымдастығы құрылды. Болашақта бірлескен жобаларды жүзеге асырамыз деп ойлаймын, деп пікір білдірді.