Медицина және фармацевтика қызметкерлерінің арасындағы «Кәсібінің үздігі» республикалық конкурсының қорытындысы бойынша Айгерім Еңсепбаева «Үздік акушер» номинациясының жеңімпазы атанды, деп хабарлайды El.kz ақпарат агенттігі.
Медицина маманы 15 жылдан бері Қызылорда облыстық перинаталдық орталығында перзентхана блогының бірінші санатты акушері болып жұмыс істейді. Ол мыңдаған сәбидің дүниеге келуіне себепші болған.
Айгерім Еңсепбаева «Ана болу қауіпсіздігі», «Тиімді перинаталдық технологиялар» және «Омырау сүтімен қоректендіру практикасын қорғау, қолдау және көтермелеу» бағдарламаларын іске асыруға, сондай-ақ Орталыққа «Балаға достық қарым-қатынас ауруханасы» атағын қайта беруге үлкен үлес қосқан.