Қазақстанның кей өңірлерінде су тасқыны болуы мүмкін, деп хабарлайды EL.kz ақпарат агенттігі.
Ақпан айында жылымық орнаса таулы аймақтарда жағдай қиындайды дейді «Қазгидромет» өкілдері. Оған себеп ақпан айында жаңбырдың мол жаууы.
Жаңбыр тау басында жиналған қарды ерітіп, көршілес елдімекендерге қауіп төндіруі мүмкін.
Синоптиктер алапат судың астында қалмауымыз үшін бассейндерге су қорын жинап жатқанын айтады. Десе де, ауа температурасы көтеріліп, онымен қоса жаңбыр тоқтамаған күндері таулы аймаққа барудан сақ болу керек.