ATP кәсіби теннисшілер қауымдастығының ресми сайты жаңартылған рейтингін жариялады. Соңғы нәтижелерге сәйкес, Қазақстанның жас таланттары Әмір Омарханов пен Заңғар Нұрланұлы ересектер турнирінде елеулі ұпай жинап, әлемдік рейтингте айтарлықтай көтерілді, деп хабарлайды El.kz интернет порталы.
Еліміздің ең үздік жас теннисшілерінің бірі, 18 жастағы қарағандылық Әмір Омарханов, рейтингте 241 сатыға жоғарылап, 859-орынға шықты. Ол қазір 27 ұпайға ие. Бұл өткен кезеңдегі 1115-орынмен салыстырғанда айтарлықтай серпіліс болып отыр.
Ал 17 жастағы Заңғар Нұрланұлы алғаш рет кәсіби ұпайлар жинады. Жас теннисші дебюттік рейтингте 1742-орында, 2 ұпай жинаған.