Астанада жас ракета жасаушылардың сайысы өтті. Онлайн іріктеу кезеңдерінен озып шыққан 10 команда өздері құрастырған зымырандарын ұшырып, үздікті анықтады.
Ракеталар қағаз, пластик, жіп сияқты жеңіл материалдардан жасалған. Өйткені жарыс талабына сәйкес салмағы 1 килограмнан аспауы тиіс. Сөйте тұра әрбір зымыранның басында компьютері болады.
Посмотреть эту публикацию в Instagram
Оның арқасында біз түрлі ақпаратты аламыз. Мысалы ауа ылғалдылығы, атмосфералық қысым және температура. Және осы ақпаратты жерге радио арқылы жібере алатын команда өзінің балдарын алады.
Зымыранның биік ұшуы өз алдына, парашюті ашылып компьютер орналасқан бөлігін жерге аман-есен түсіруі керек. Осы талаптарға сай болған команда жеңімпаз атанады. Илон Масктің болашақ ізбасарларының жарысына мемлекеттік кеңесші Ерлан Қарин де арнайы келді. Айта кетерлігі, ракета құрастырушылардың сайысын оқушылардың өздері ұйымдастырып отыр.