Жаз – жыл бойғы еңсені басқан шаршаудан арылып, шетелде серуендеп, тынығудың таптырмас мезгілі. Әсіресе шоу-бизнес өкілдері мен өнер иелері бұл маусымды ерекше күтеді. Бірі экзотикалық аралдарды таңдаса, енді бірі тарихи орындарды аралап, жан тыныштығын іздейді. El.kz интернет порталы қазақстандық жұлдыздардың осы жазда қайда демалып жүргеніне шолу жасады.
Жақында ғана үйлену тойын дүркіретіп өткізген Сәкен Майғазиевтің ұлы Әділет пен келіні Әдия бал айын Индонезияның әйгілі Бали аралында, Вьетнамда және Исландияда өткізіп жатыр. Жас жұбайлардың демалысы әлеуметтік желіде кеңінен талқылануда.
Ал Сәкен Майғазиев пен жұбайы Динара Майғазиева үш қызымен бірге Түркияның курортты қалаларының бірінде тынығуда. Әнші отбасының бақытты сәттерін Instagram желісінде бөлісіп отыр.
Белгілі продюсер және тележүргізуші Баян Алагөзова отбасымен бірге Түркияның Анталья қаласында демалуда. Ол Instagram парақшасында оқырмандарымен жағымды эмоцияларын бөлісуде.
Танымал актер әрі спортшы Еркебұлан Тоқтар қазіргі таңда АҚШ-тың Флорида штатында демалуда. Ол жағажайдағы сәттерін Instagram арқылы бөлісіп, жанкүйерлерінен жылы пікірлер естуде.
Әнші әрі актриса Ақбота-Нұр да Вьетнамды таңдаған. Ол өзінің парақшасында экзотикалық табиғат аясындағы фотоларын жүктеп, жазды жемісті өткізіп жатқанын білдіріп отыр.
Қазақстандық дизайнер, Arunaz Atelier Kazakhstan сән үйінің негізін қалаушы Назым Қарпықова бұл жазда Сауд Арабиясына жол тартқан. Сондай-ақ Ыстамбұл қаласында демалғанын да білеміз.
Кино және театр әлемінің жарқын жұлдызы Әсел Сәдуақасова Индонезияның Бали аралында демалып жатыр. Актриса табиғат аясындағы демалысынан көріністермен желіде жиі бөлісіп отыр.
Ал отандық сериалдар мен фильмдерде жиі бой көрсететін актриса Жазира Еркін биыл Черногорияны таңдаған. Оның Instagram-дағы жазбалары елдің әсем табиғаты мен тарихи орындарына деген қызығушылықты арттыра түсті.
Танымал блогер bota_mia (шын есімі Бота Нұрақын) жігітімен бірге Абу-Даби қаласында демалып жатыр. Ол сәнді қонақүйлер мен жағажайлардағы фотоларын желіде жариялап, оқырмандарын қызықтыруда.
Сонымен қатар, әлеуметтік желіде malya023 есімімен танымал Әлия Байбосынова анасымен бірге Дубайда демалуда. Ол сән, стиль және саяхат туралы жазбаларымен танымал.
Биылғы жаз отандық өнер жұлдыздары үшін жаңа елдермен танысу, табиғат аясында тынығу және рухани байып қайтудың кезеңіне айналды. Әлеуметтік желілердің арқасында жанкүйерлер сүйікті жұлдыздарының демалыс сәттерінен тікелей хабардар болып отыр.
Жаз – шабытыңды жаңғыртып, алдағы шығармашылық кезеңге тың серпін беретін мезгіл. Бұл ретте жұлдыздар өз демалысын тек серуен емес, шабыт көзіне айналдыруда.