Қазақстанда әскери қызметкерлер бірыңғай түсті және бірыңғай стильдегі далалық киім үлгісіне көшті, деп хабарлайды El.kz ақпарат агенттігі.
Киім әскерилерге кез келген климатта және кез келген ауа райында жайлы әрі жылы болады.
Қазақстан қарулы күштерінің қызметкерлері жаңа бірыңғай формаға көшіп жатыр. Киімдер ыңғайлы. Бұрын әскери киімнің 2 түрі болса (қысқы, жазғы), енді 4 түрі болады. Формаға маусымдық күртеше мен жемпірді (свитер) қостық, - деді Әсет Оразалин.
Әскери қызметшілердің өтініші бойынша іс жүзінде пайдаланылмаған маусымдық плащ курткаға ауыстырылған.
Күнделікті жемпірдің орнына далалық жемпір беріледі. Табиғи ерекшеліктеріне сәйкес, жазғы етіктердің түсі қара түстен құм түсіне өзгерді. Басқару органдарының әскери қызметшілері үшін қонышы биік етік тактикалық кроссовкаларға ауыстырылды, – делінген министрлік хабарламасында.
Ал ескі форма әскерге шақырылушыларға, жыл сайынғы оқу-жаттығуға қатысатын әскери қызметкерлерге және әскерилендірілген күзет қызметкерлеріне жұмыс формасы ретінде пайдаланылады. Бұл жыл сайын ұқсас формаларды сатып алуға 400 миллион теңгеден астам үнемдеуге мүмкіндік береді.
Қорғанис министрлігінің мәліметінше, бұл өзгеністер жыл сайын 140 млн теңге үнемдеуге мүмкіндік береді.