Әлемдегі ең танымал компаниялардың бірі Apple-де енді қазақстандық Әділхан Қопанов жетекшілік қызмет атқарады, деп хабарлайды El.kz ақпарат агенттігі.
Қопанов Орталық Азия мен Армения аймағына жауапты болмақ. Бұл туралы цифрлық даму, инновациялар және аэроғарыш министрі Жаслан Мәдиев Facebook-тегі парақшасында жазды.
Біздің отандасымыз Әділхан Қопанов Apple компаниясында жетекші қызметке тағайындалғанын хабарлауға қуаныштымын. Енді Әділхан Орталық Азия және Армения аймағын қадағалайтын болады. Бұл жаңа кезең оған көптеген жетістіктер мен кәсіби өсу әкелсін, - деп жазды министр.