Көлік министрі Марат Қарабаев Қазақстандағы ең нашар жолдардың жағдайы туралы айтты, деп хабарлайды El.kz ақпарат агенттігі.
Министрдің сөзінше, Қазақстандағы ең жаман жолдар Батыс Қазақстан мен Атырау облыстарында кездеседі.
Осыған байланысты біз биыл Батыс Қазақстанға басқа өңірлерге қарағанда көбірек қаржы бөліп отырмыз. Биылғы жылдың дерегі бойынша, Батыс Қазақстанда жолдардың нашарлығы 36 пайызды құрайды. Биыл басты жолдардың құрылысы бітеді. Соны қосқанда, өңірде 52 пайыз жақсы және қанағаттанарлық жол болып саналады. Ал өңірдегі жаман жол 48 пайызды құрап отыр, - дейді Қарабаев.