Хорватияның Загреб қаласында өткен дзюдодан Гран-при турнирін Қазақстан командасы екі алтын медальмен аяқтады, деп хабарлайды El.kz ақпарат агенттігі.
ҰОК мәліметінше, соңғы жарыс күнінде Ақерке Рамазанова жарыс жолына шықты. +78 келіде сынға түскен спортшымыз жұбаныш белдесуінде австриялық Мария Холвартқа есе жіберді.
Осылайша Қазақстан еншісінде үш медаль бар. Бірінші орынды Шерзод Давлатов (60 келі) пен Жанарыс Рахметқали (66 келі) еншілесе, Ғалия Тынбаева (48 келі) екінші орынға тұрақтады.