Қазақстан мен Қырғызстан шекарасындағы «Ақ-Тілек-автодорожный» бақылау-өткізу пунктінің алдында жүк көліктері кептеліп тұрғаны туралы ақпарат тараған еді. Қаржы министрі Ерұлан Жамаубаев аталған жағдайға қатысты түсінік берді, деп хабарлайды El.kz ақпараттық агенттігі.
21 тамыздағы жағдай бойынша Қырғызстаннан шығуға мемлекеттік шекарадан өтуге кезекте 370-ке жуық автокөлік тұр. Сағат 09:00-ден бастап 18:00-ге дейін қазақ-қырғыз шекарасы арқылы 3 көлік қана өткен.
Қырғызстан ҰҚК кекара қызметінің хабарлауынша, Қырғызстан тарапынан өткізу пунктілері күнделікті режимде жұмыс істеп тұр, ешқандай шектеу жоқ. Ал Қаржы министрі бұл жағдайды есірткімен байланыстырды.
Ол жерде кеден жоқ, себебі ол ЕАЭО-ның ішкі шекарасы саналады. Менің білуімше, онда есірткіні тәркілеу операциясы ұйымдастырылған. Сондықтан қазір шекара қызметі мен ҰҚК тыңғылықты тексеру жасап жатқан болар, - деді министр.