Алматылық «Қайраттың» екінші қақпашысы Темірлан Анарбеков ерекше сыйға ие болды. Кәсіпкерлер оған жаңа автокөліктің кілтін табыстады, деп хабарлайды El.kz интернет порталы.
Көліктің сыртында «Халықтың атынан» деген жазу ерекше көзге түседі. Кәсіпкерлер бұл сыйлықтың барша халық атынан екенін атап өтті. Темірлан Анарбеков сыйлықты үлкен қуанышпен қабылдап, оны ел сенімінің белгісі деп бағалап, жанкүйерлеріне алғыс білдірді.
Еске сала кетейік, жас голкипер Чемпиондар лигасының іріктеу кезеңінде «Селтикке» қарсы матчта пенальти сериясында көзге түсіп, «Қайраттың» негізгі кезеңге өтуіне шешуші үлес қосқан болатын.