Қайрат Нұртас қамаудан кейінгі алғашқы концертін Теміртауда өткізетін болды, деп хабарлайды El.kz ақпарат агенттігі.
Әуе ұшағында досымен жанжалдасып, төбелес шығарған әншіні «Кармет» компаниясы металлургтер күніне орай гала-концертке арнайы шақырып отыр. Шара осы жексенбіде Астана алаңында сағат 18:00-де өтеді. Концертке кіру бәріне тегін.
Еске салайық, 5 шілдеде Қайрат Нұртас 15 тәулікке қамауға алынған болатын.
Қайрат Нұртасқа ҚР ӘҚБтК-нің 434-бабының 2-бөлігі (жыл ішінде қайталап жасалған ұсақ бұзақылық) және ӘҚБтК-нің 73-баптың 1-1-бөлігі (денсаулыққа қасақана жеңіл зиян келтіру) бойынша айып тағылды.