"Қазақстан" шахтасында төтенше жағдайды жою жұмыстары жалғасып жатыр, деп хабарлайды El.kz ақпарат агенттігі төтенше жағдайлар министрлігіне сілтеме жасап.
Төтенше жағдайды жою жұмыстарын ТЖ министрі Сырым Шәріпханов тікелей бақылауға алған. Тау-кен құтқарушылары ауыстырылды. КӘАҚҚ РШО ЖШС басшылығымен тау-кен құтқарушыларының жаңа ауысымының алдына міндеттер қойылып отыр.
19 тамыз күні кешкі сағат 22:40-та бесінші тау-кен жұмысшысының денесі табылды. Іздестіру жұмыстары апаттық учаскедегі қазбалардың үздіксіз түтіні және жоғары температура салдарынан қиындауда.
Тау-кен құтқарушылары өрт ошақтарын сөндірудің белсенді кезеңіне кіріскен.