Қарағанды облысында ТЖМ құтқарушыларына жаңа қайық табысталды

Приозерск қаласындағы құтқару бөлімшесі Балқаш көлінің акваториясында патрульдеу жұмыстарын жаңа деңгейге көтерілді, деп хабарлайды El.kz интернет порталы.

Бұл мақсатта заманауи және жоғары жылдамдықты «Marlin 830» қайығы сатып алынып, қызметке енгізілді.

Құтқарушылар Балқаш көлінде төтенше жағдайлардың алдын алу мақсатында тәуліктік режимде кезекшілік атқара отырып, патрульдік шаралар жүргізуде. Су айдындарында қауіпсіздік ережелерін сақтау, мас күйінде суға түспеу, балаларды қараусыз қалдырмау және арнайы құтқару құралдарын пайдалану қажеттігі жайлы азаматтарға түсіндіру жұмыстары тұрақты түрде жүргізіліп келеді.

Төтенше жағдайлар министрлігі азаматтарды қарапайым, бірақ маңызды қауіпсіздік ережелерін сақтауға шақырады. Бұл ережелер сіздің және жақындарыңыздың өмірін сақтап қалуға сеп болуы мүмкін.