ТЖМ құтқарушылары Қарағанды облысында қарда қалған екі адамды эвакуациялады, деп хабарлайды El.kz ақпарат агенттігі.
Қарағанды облысының Осакаров ауданында, Шідерті ауылынан 20 шақырым жерде, екі жеңіл автокөлік қарға батып қалды. Оқиға түнде болған.
Төтенше жағдайлар министрлігінің құтқарушылары шұғыл түрде көмекке шығып, екі адамды жақын маңдағы жылыту пунктіне эвакуациялады. Құтқарылған азаматтарға медициналық көмек қажет болмады.
ТЖМ тұрғындарға дауылды ескерту кезінде, әсіресе түнгі уақытта, алыс сапарлардан және жаяу жүруден бас тартуға кеңес береді.