Қазақстандық дәрігерлер мен мамандар қантты шамадан тыс тұтыну денсаулыққа елеулі қауіп төндіретінін ескертіп, күнделікті рационды қайта қарауға кеңес береді. El.kz осы мәселеге тоқталып көрді.
Олардың айтуынша, ең алдымен тәтті сусындарды шектеу қажет.
Мәселен, көлемі 0,5 литр болатын газдалған сусынның құрамында шамамен 10 шай қасық қант бар.
Бұл ағзаға қажетті мөлшерден әлдеқайда жоғары. Сондықтан мұндай өнімдерді күнделікті тұтыну артық салмақ пен түрлі ауруларға әкелуі мүмкін.
Қандай сусынды таңдаған дұрыс?
Мамандар нектар мен тәтті шырындардың орнына табиғи шырындарды таңдауға кеңес береді. Дегенмен табиғи шырындардың өзінде де қант бар екенін ескерген жөн. Сол себепті оларды күніне 1–2 стақаннан артық ішпеу ұсынылады.
Ең қауіпсіз әрі пайдалы таңдау – таза ауыз су. Ол ағзаның дұрыс жұмыс істеуіне көмектесіп, артық калориядан сақтайды.
Тәттінің орнына не жеу керек?
Дәрігерлер тәтті тіскебасарлардан бас тартып, олардың орнына пайдалы баламаларды енгізуді ұсынады:
Кептірілген жемістерді таңдағанда қант қосылмаған түріне мән беру керек. Бірақ оларды да шамадан тыс тұтынуға болмайды – аптасына 2–3 порция жеткілікті. Бір порция шамамен 20 граммға тең.
Сүт өнімдерін дұрыс таңдау маңызды
Тәтті йогурттар мен сүзбелі десерттердің орнына қоспасыз табиғи өнімдерді қолданған дұрыс. Қажет болса, оған жеміс немесе жидек қосып, табиғи дәм беруге болады. Бұл артық қанттан сақтайды.
Қантты бірден тастау керек пе?
Мамандар қанттан толық бас тарту міндетті емес екенін айтады. Ең тиімді әдіс – оны біртіндеп азайту.
Мысалы, кондитерлік өнім дайындағанда:
осы арқылы қант мөлшерін азайтуға болады.
Кейбір адамдар үшін қанттан бірден бас тарту мүмкін. Әдетте алғашқы апта ең қиын кезең саналады. Кейін ағза жаңа режимге бейімделіп, тәттіге деген тәуелділік азаяды.
Қанттың зияны қандай?
Дәрігерлер қантты шамадан тыс тұтыну келесі ауруларға әкелуі мүмкін екенін ескертеді:
Сондықтан күнделікті тамақтану әдеттерін бақылау – ұзақ әрі сапалы өмірдің маңызды шарты.
Дұрыс тамақтану – тек диета емес, ол өмір салты. Қантты азайту арқылы адам өз денсаулығын сақтап қана қоймай, көптеген созылмалы аурулардың алдын алады. Мамандардың айтуынша, қарапайым әдеттерді өзгерту – үлкен нәтижеге бастайтын алғашқы қадам.