Сенат кулуарында көлік вице-министрі Талғат Ластаев елімізде өткен жылы қазақстандық әуекомпанияларға қанша теңге айыппұл салынғанын айтты, деп хабарлайды El.kz ақпарат агенттігі.
Бізде әкімшілік жауапкершілік қарастырылған. Рейстердің кешігуі кезінде жолаушылардың құқығы сақталмаса, яғни жолаушыларды тамақтандыру, қонақ үйге орналыстыру сияқты жұмыстар орындалмаса, біз тиісінше әкімшілік жауапкершілікке тартамыз. Өткен жылғы қорытынды бойынша айыппұл көлемі 40 миллион теңгені құрады, - деп атап өтті Талғат Ластаев.
Көлік вице-министрінің сөзінше, Қазақстандағы әуекомпаниялардың ішінен «Air Astana» компаниясына ең көп айыппұл салынады. Себебі олардың рейстерінің көлемі басқаларға қарағанда әлдеқайда жоғары.