Бала құқықтарын қорғау комитетінің төрағасы Насымжан Оспанова 1 маманға 500-ден аспайтын білім алушыға жеткізуді жоспарлап отырғанын айтты, деп хабарлайды El.kz ақпарат агенттігі.
Бұл оларға консультациялық көмекке мұқтаж балалармен көбірек жұмыс істеуге мүмкіндік берді.
1000-нан астам білім алушы саны бар білім беру ұйымдарында қосымша бірліктерді енгізу есебінен педагог-психологтардың санын кезең-кезеңімен ұлғайту. Комитет норманы 1 маманға 500-ден аспайтын білім алушыға жеткізуді жоспарлап отыр, - деді комитет төрағасы.
Оспанованың айтуынша, 2023 жылы біліктілікті арттыру курстарынан 4 мыңнан астам педагог-психолог және 1 800-ден астам әлеуметтік педагог өтті.
Жалпы алғанда мектептегі психологиялық қызметтер мына бағытта өзгереді:
- орталықтардың үлгілік ережесін енгізу, онда қаржыдан әдіснамалыққа дейінгі барлық мәселелер айқындалатын болады;
- кейіннен өңірлерде 20 психологиялық қолдау орталығын құру үйлестіруші тетік болады, онда ата-аналар мен балалар да кеңес пен қолдау ала алады, сондай-ақ педагог-психологтар жаңа білім ала алады.
Комитет психологиялық қызметтердің, әсіресе педагог-психологтың қызметін трансформациялау жөніндегі жұмысты жалғастыруды жоспарлап отыр. Осы бағыт бойынша стратегиялық міндеттер кешенді жоспарға енгізілген. Осылайша 5 тапсырма анықталды:
- Ғылым және жоғары білім министрлігімен бірлесіп педагог-психологты оқыту бағдарламаларын жаңарту бойынша жұмыс басталды. Бұл міндет қазірдің өзінде бар оң тәжірибені ескере отырып, заманауи бағдарлама бойынша оқитын мамандарды қалыптастыруға бағытталған.
- Сыныптан тыс сағаттар шеңберінде педагог-психологты сыныппен жұмысқа белсенді тартуға баса назар аудара отырып, тақырыптық сабақтарға ревизия жүргізу жоспарлануда. Бір жыл ішінде психолог сыныппен кемінде 8 сағат кездеседі.
- Педагог-психологтар мен әлеуметтік педагогтар үшін оқыту және қадағалау, бұл мамандардың біліктілігі мен іскерлігін үздіксіз арттыруды қамтамасыз етуге мүмкіндік береді.