Прокурор Алмаз Байбарақов бизнесті рейдерлік жолмен тартып алды деп айыпталып жатқан Гүлмира Сатыбалдыны 13 жылға бас бостандығынан айыруды сұрады, деп хабарлайды El.kz ақпарат агенттігі. Ал оның жүргізушісі Мәди Батыршаевты 10 жылға соттауды сұрады.
Қайрат Сатыбалдының бұрынғы әйелі Гүлмира Сатыбалды Қылмыстық кодекстің «Бас бостандығынан заңсыз айыру», «Бопсалау» және «Өзінше билік ету» секілді үш бабы бойынша айыпталып жатыр.
Ал Батыршаев «Бас бостандығынан заңсыз айыру» бабы бойынша айыпталуда.
Естеріңізде болса, Гүлмира Сатыбалды екі мерзімге кесілді. Бір жыл бұрын Қызылорда соты оны бөтеннің мүлкін заңсыз иемденіп алғаны үшін айыпты деп танылып, сегіз жылға бас бостандығынан айырған.
Ал 2023 жылғы мамырда Астана аудандық соты оны адам ұрлады және өзінше билік құрды деп айыптап, жеті жыл тағайындады.