Алматы облысының прокуратурасы Талғар ауданында ер адамды өлтіру және кішкентай қызды ұрлау ісіне байланысты полиция қызметкерлерінің әрекетсіздігі фактісі бойынша қылмыстық іс қозғады, деп хабарлайды El.kz интернет порталы.

6 қыркүйекте Алматы облысының прокуратурасы ҚР ҚК-нің 370-бабының 4-бөлігі (Лауазымды тұлғаның әрекетсіздігі) бойынша қылмыстық іс тіркеді. Іс Талғар аудандық полиция басқармасы қызметкерлерінің күдіктіні дер кезінде ұстау бойынша шара қолданбауымен байланысты. Ол кейіннен ер адамды өлтіріп, кәмелетке толмаған қызды ұрлап кеткен, – делінген ресми хабарламада.

Прокуратура жалған ақпарат таратқандар қылмыстық жауапкершілікке тартылатынын ескертті. Сондай-ақ ресми дерек көздерге ғана сенуге шақырады. Басқа мәліметтер ҚПК-нің 201-бабына сәйкес жария етілмейді.