Мемлекет басшысының Иордан Хашимит Корольдігіне ресми сапары аяқталды, деп хабарлайды Ақордаға сілтеме жасап El.kz ақпарат агенттігі.

Әлия патшайым атындағы халықаралық әуежайдан Қасым-Жомарт Тоқаевты ханзада Әли бен әл-Хусейн құрметпен шығарып салды.

Еске салақ, ел Президенті кеше 18 ақпанда Иордан Хашимит Корольдігіне ресми сапармен барды. Әл-Хусейния сарайында Иордан Хашимит Корольдігіне ресми сапармен келген Қазақстан президенті Қасым-Жомарт Тоқаевты салтанатты қарсы алу рәсімі өтті.

Бүгін 19 ақпанда Президент Қасым-Жомарт Тоқаев Иордания королі II Абдалла бен әл-Хусейнмен келіссөз жүргізді. Келіссөздер аяқталғаннан кейін Қазақстан Республикасының президенті Қасым-Жомарт Тоқаев пен Иордан Хашимит Корольдігінің королі II Абдалла бен әл-Хусейн бірлескен мәлімдеме қабылдады.