Орталық сайлау комиссиясының жұмысы кеш түсе қыза түсті. Комиссия орталығында Президенттікке үміткер үшінші әйел кандидат құжаттарын тапсырды, деп хабарлайды El.kz.

 Үміткердің есімі – Фатима Бизақова. Тараз қаласының тумасы. Жеке кәсіпкер. 

Кандидаттыққа «Тәжірибелі Психология» республикалық қоғамдық бірлестігінің атынан ұсынылып отыр. Жеке кәсіпкердің негізгі мақсаты – елге біліктілігі мен білімін қолдана отырып үлес қосу. 

«Тәуелсіздік алған уақытта неге өзіміздің елімізге деген бір үлесімізді қоспасқа. Жеке кәсіпте болған адам көбірек халықтың мұң-мұқтажын біледі. Қиындықтың бәрін көрдік. Оның шешу жолдарын білеміз. Сондықтан да, еліміздің саяси додасына кез келген адам қоғамдық бірлестіктердің атынан қатыса алады. Қоғамдағы ең басты мәселем – халықты кедейліктен алып шығу», - деді.

 Комиссия мүшелері үміткердің құжаттарын қабылдап алды. Заңға сәйкестігі екі күннің бірінде айтылатын болды.