Петропавлда әскери қызметкер көз жұмды. Оның денесі тұрғын үйлердің бірінің жертөлесінен табылған, деп хабарлайды El.kz ақпарат агенттігі.
СҚО Қорғаныс істері жөніндегі департаментінің мәліметінше, келісімшарт негізіндегі әскери қызметшінің денесі 21 қыркүйекте табылған.
Алдын ала ақпарат бойынша, келісімшарт бойынша әскери қызметші отбасылық-тұрмыстық жанжал негізінде өзіне-өзі қол жұмсаған. Оқиға орнында өлер алдындағы хат табылды. Қылмыстық іс қозғалды. Оқиғаның себебі мен мән-жайы анықталуда, – делінген мәліметте.