Петропавл маңындағы Есіл өзеніндегі су деңгейінің көтерілуі тоқтады

Петропавл маңындағы Есіл өзеніндегі су деңгейінің көтерілуі тоқтағаны белгілі болды, деп хабарлайды El.kz ақпарат агенттігі. 

«Қазгидромет» РМК-ге сілтеме жасаған Петропавловск.news басылымы 27 сәуір күні сағат 14:00-де Борки елді мекені тұсындағы гидрологиялық бекетте Есілдегі су деңгейі 1179 см болды. Петропавловск.news хабарлауынша, соңғы екі сағат ішінде су деңгейінде өзгеріс тіркелмегі туралы жазды. 

Ал Петропавл су қоймасында екі сағат ішінде су деңгейі 1 см-ге көтеріліп, қазіргі деңгейі 1066 см-ді құрады.

Долматово ауылы маңында су деңгейі соңғы екі сағатта 3 см-ге өсіп, 1416 см-ге жетті (қауіпті деңгей — 1450 см).