Бау-бақшаларда құрғақ шөп жанған. Бұл туралы Pavlodarnews.kz сайтына сілтеме жасай отырып El.kz ақпараттық агенттігі хабарлайды.
Бұл туралы Павлодар облысы Төтенше жағдайлар департаментінің баспасөз қызметі мәлімдеді.
- 101 пультіне бүгін сағат 16:05-те «Энтузиаст» бау-бақшасында өрт шыққаны туралы хабар келіп түсті. Оқиға орнына келген өрт сөндірушілер 6 саяжай учаскесінде құрғақ шөптің жанып жатқанын анықтады. Зардап шеккендер жоқ, - делінген хабарламада.
Жалын жалпы аумағы 2 га жерді шарпыған.
Өртті сөндіруге ТЖД 22 қызметкері мен 5 техникасы жұмылдырылды.
Тілсіз жау сағат 17:58-де жойылды. Өрттің себебі мен залалы анықталуда.