Павлодар облысының тұрғыны үйінде алкоголь сатқан, – деп хабарлайды El.kz Polisia.kz-ке сілтеме жасап.
17 қазанда сағат 16.00-де Ақсу қаласының Достық ауылдық округінің Спутник станциясының әкімшілік учаскесін патрульдеу кезінде учаскелік инспектор әріптесімен бірге қолында сыра бөтелкесі бар адамды байқады.
Жас жігіт алкогольді жақын жердегі үйден сатып алғанын айтқан. Тәртіп сақшыларын үй иесі қарсы алды. Ол формадағы “қонақтарға” қатты таң қалып, кәсіпкерлікпен айналысуға тиісті тіркеу құжаттары болмаса да ауыл тұрғынына алкогольді сатқанын мойындады.
Іс жүргізу барысында полицейлер кәсіпкердің осылайша ақша табуға шешім қабылдағанын анықтады. Ол қалада бір қорап сыра сатып алып, оның құнын арттырып, барлық алкогольді көршілері мен таныстарына сатқан. Алайда полиция мұндай идеяны бағаламады.
Ер адамға қатысты ҚР ӘҚБтК-нің 463-бабының 1-бөлігі (Тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi (операцияларды)жүзеге асыру) бойынша әкімшілік хаттама жасалды. Материал сотқа жіберіледі.
Сондай-ақ полицейлер алкогольді тәркіледі. – Өткен кезеңде Павлодар облысында тәртіп сақшылары ҚР ӘҚБтК-нің 200-бабын бұзудың 90-ға жуық фактісін анықтады.
Сондай-ақ белгіленген уақытта алкогольді сатудың 120 фактісі және алкогольдік ішімдіктерді ішудің 7030-дан астам фактісі анықталып, қоғамдық орындарда мас күйінде пайда болуы, құқық бұзушылар ӘҚБтК-нің 440-бабы бойынша жауапқа тартылды, – деп хабарлады Павлодар облысы ПД баспасөз қызметі.