Павлодар облысында жеке тұрғын үйде газ баллоны жарылды

Павлодар облысының Ақтоғай ауданында жеке тұрғын үйде газ баллоны жарылып, әйелдің денесін қатты күйік шалды, деп хабарлады El.kz ақпараттық агенттігі Павлодар облысы төтенше жағдайлар департаментінің баспасөз қызметіне сілтеме жасап.

5 желтоқсан күні сағат 13.12-де Ақтоғай аудандық өрт сөндіру бөліміне Ақтоғай ауылы Марденов көшесі, 46 мекенжайында орналасқан төрт бөлмелі жеке тұрғын үйде газ баллоны жарылғаны туралы хабарлама түсті.

Оқиға орнына келген өрт сөндірушілер 5 литрлік газ баллонының жарылуы салдарынан шатырдың өртенгенін, 25 шаршы метр аумақтағы ас үй мен веранданың опырылып түскенін анықтады. Содан кейін бүкіл бөлме отқа оранған.

1955 жылы туған ауыл тұрғыны зардап шекті. Оның денесінің 40 пайызын күйік шалған. Ол ауруханаға жатқызылды.

Өртті сөндіруге 10 адам – құтқарушылар, өрт сөндірушілер, полицей мен жергілікті атқарушы органның қызметкері қатысты. Өрт бір сағатқа жетпей сөндірілді.

Қысқа да нұсқа. Жазылыңыз telegram - ға

Павлодар облысында жеке тұрғын үйде газ баллоны жарылды

Оқи отырыңыз

Бір отбасынан шығып, 2026 жылғы Олимпиадада чемпион атанған спортшылар

Ақ Олимпиада: Қазақстанның шынайы мүмкіндігі қандай?

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады