Павлодар облысында қайғылы оқиға орын алды, тоққа түскен 17 жастағы жігіт көз жұмды, деп хабарлайды El.kz ақпарат агенттігі.
Облыстық жедел жәрдем станциясының мәліметінше, дәрігерлер 40 минут реанимациялық іс-шаралар жасағанмен, 2007 жылы туған жасөспірімнің өмірін арашалап қала алмады.
Павлодар қаласы әкімдігінің баспасөз қызметі таратқан мәліметке сүйенсек, 12 сәуірде сағат 19:00 шамасында Мойылды ауылында Ұлы Дала көшесінде орналасқан төртінші трансформаторлық қосалқы станцияда қайғылы жағдай орын алды.
Қаза болған жасөспірім әжесінің үйіне қонаққа келгені белгілі болды.