Павлодар облысының Павлодар ауданында үш күн бойы сыртқа шықпай, үйде қамалып отырған кәмелетке толмаған балалар құтқарылды, деп хабарлайды El.kz ақпарат агенттігі.
Облыстық Прокуратура 17 мамырда рейдтік іс-шара кезінде тұрмысы нашар отбасын анықтады. Белгілі болғандай, сол уақыттары балалардың ата-анасы ішімдік ішкен. Балалар үш күн бойы сыртқа шықпай, мектепке де бармай, үйде қамалып отырған.
Павлодар ауданының прокуратурасы жергілікті атқарушы органдары: білім беру бөлімі, полиция бөлімі, денсаулық сақтау бөлімімен бірлесіп, балаларды босатып, алғашқы қажетті көмек көрсетті.