Еуразия Тудейдің хабарлауынша, табылған жартас суреттері ғалымдарға осы халықтың діни және ғұрыптық жүйесін түсінуге көмектесуі мүмкін.

Ежелгі суретші тасқа өлшемі 70-тен 81 сантиметрге дейінгі трапеция тәрізді жақтауды ойып, оның ішінде үш фигураны бейнелеген. Олардың бірі — оң қолына үлкен дөңгелек затты, мүмкін сойыл көтеріп тұрған ірі денелі адам. Ол сол қолымен ортада тұрған фигураның – үш басы бар жылан тәрізді тіршілік иесінің тамағын қысып тұр. Үшінші фигура діни қызметкерге ұқсайды.

Бейнелердің киімі мен тұрысы суреттің батырлық және діни тақырыпқа арналғанын аңғартады.

Ғалымдардың болжамынша, суретші Геракл мен гидра арасындағы мифологиялық шайқасты бейнелеген болуы мүмкін. Осыған ұқсас мотивтер біздің заманымызға дейінгі 325 жылғы грек монеталарында да кездеседі.

Тас бетінің мүжілуі мен эрозияға ұшырауы салдарынан суреттегі жазулардың бір бөлігі жоғалған. Оларды қалпына келтіру үшін лазерлік сканерлеу сияқты заманауи әдістер қолданылатын болады.

Мамандардың айтуы бойынша, элимейлік жартас суреттерінің ғылыми құндылығы өте жоғары.