Бұл туралы ҚР Денсаулық сақтау вице-министрі Жандос Бүркітбаев Орталық коммуникациялар қызметінің ақпарат алаңында айтты, деп хабарлайды El.kz ақпараттық агенттігі.
Бүгінгі таңда елімізде 7500-ге жуық дәрі-дәрмек пен 11 мыңнан астам медициналық бұйым тіркелген.
«Дәрілік заттарды сараптаудың ұлттық орталығы жыл сайын дәрі-дәрмектің 6 мыңға жуық және медициналық бұйымдардың 5 мыңға жуық түріне сараптама жүргізеді. Оның ішінде 2022 жылы дәрі-дәрмектің 117 атауын және медициналық бұйымдардың 164 атауына теріс қорытынды берілген. Яғни, олардың нарыққа жіберілмеуіне рұқсат берілмеді», - деді вице-министр.
Мәселен, құрамында этиленгликольдің үлкен дозасы бар және теріс салдарға әкеп соқтырған Өзбекстандағы жағдайдан кейін дәрі-дәрмекті қатаң бақылауда ұстау қажеттігін атап өтті. Аталған препараттың Қазақстанда тіркелмегеніне тоқталды.
«2021 жылғы 1 шілдеден бастап Еуразиялық экономикалық одақ мемлекеттермен дәрі-дәрмектерді тіркеу жұмысы жүзеге асырдық. Аса қауіпті жұқпалы аурулардың туындауы, таралуы сондай-ақ, дәрі тапшылығы болған жағдайда ұлттық заңнама бойынша дәрі-дәрмек пен медициналық бұйымдардың тіркеуі болады. Осыған орай министрлік денсаулық туралы кодексте стратегиялық маңызды дәрі-дәрмек пен медициналық бұйымдарды тіркеу мүмкіндігін беретін сәйкес өзгерістер енгізді. Ұлттық тіркеу талаптары Еуразия экономикалық талаптар мен халықаралық нормаларға сай. Тіркелген дәрі-дәрмек пен медициналық бұйымды бақылау мақсатында олардың сапасын бағалау жүргізіледі. Бақылау нәтижесінде жыл сайын дәрі-дәрмектер мен медициналық бұйымдарға 100 мыңға жуық сәйкестік сертификаттары беріледі. Сондай-ақ, 2000-ға жуық теріс қорытынды шығарылды», - деді Жандос Бүркітбаев.
Бұдан басқа дәріханаларда, қоймаларда және медициналық ұйымдарда дәрі-дәрмек пен медициналық бұйымдардың сапасын жақсарту мақсатында іріктелген тексерістер жүргізіледі. Тіркеуден кейінгі кезеңінде сапа мен қауіпсіздікті бақылау үшін қолданысқа дәрі-дәрмектің жағымсыз салдарын анықтау, талдау, бағалау және алдын алуға бағытталған шаралар жүйесі болатындығына тоқталды.