Қостанайдың №7 орта мектебінде жастар арасында Қазақстан халқы Ассамблеясының «Қазақтану» ғылыми-ағартушылық жобасына арналған интеллектуалдық турнир өтті.
Іс-шараға қатысу арқылы жасөспірімдер қазақ халқының тарихы мен мәдениетіне терең бойлады.
Оқушылар зор құлшыныспен «тоғызқұмалақ», «асық ату» сынды ұлттық ойындарды үйреніп, интеллектуалдық викторинаға қатысып тапқырлықтарын сынады, Қара жорға ұлттық биіне арналған шебер сыныпқа қатысты.