Жақында ғана «Оскар» сыйлығының «Үздік фильм» аталымы бойынша үміткерлер тізімі жарияланды. Тізімдегі картиналардың басым бөлігін 2026 жылғы 15 наурызда өтетін марапаттау рәсімін күтпей-ақ, қазірдің өзінде үйде отырып көруге мүмкіндік бар, деп хабарлайды El.kz интернет порталы.
Ал бұл фильмдер не жайлы екеніне қысқаша шолу жасап, оларды қай платформадан табуға болатынына тоқталамыз.
Фильм не туралы:
Егіздер өткен өмірін артта қалдырып, туған қаласына қайта оралады. Алайда кіндік қаны тамған жерге оралғанда екеуін жай ғана ескі естеліктер емес, әлдеқайда қауіпті, тамыры терең зұлым күш қарсы алады. Маусымның басты фаворитіне айналған туынды бірден 16 номинация иеленді.
Қайдан көруге болады: Sky Cinema, NOW (Movies пакеті)
Фильм не туралы:
Қастандық теориясына әбден сеніп алған екі ер адам ірі корпорация басшысын ұрлап кетеді. Себебі олар оны Жерді жоюға келген жатғаламшарлық деп ойлайды. Әзіл мен үрей араласқан, қазіргі қоғам қорқынышын астарлап көрсететін фильм.
Қайдан көруге болады:
Amazon Prime Video, Sky Store – жалға алу немесе сатып алуға болады (платформалардан көруге болады)
Фильм не туралы:
Брэд Питт сомдаған кейіпкер – кезінде «Формула-1-де» жарқ еткен жұлдыз. Жылдар өткен соң ол үлкен спортқа қайта оралып, екінші мүмкіндігіне ие болады. Бұл көркем туынды – жылдамдық пен амбиция бағасы жайлы хикая.
Қайдан көруге болады: Apple TV (эксклюзив)
Фильм не туралы:
Гильермо дель Торо ұсынған жаңа нұсқа – классикалық аңыздың күңгірт, эмоциялық әрі философиялық қыры. Жаратушы мен пенделер арасындағы күрделі байланыс терең ашылады.
Қайдан көруге болады: Netflix
Фильм не туралы:
Уильям Шекспирдің ұлын жоғалтқандағы қайғысы және сол қасіреттің «Гамлет» трагедиясына әсері жайлы нәзік әрі мұңды драма. Жеке сезім мен өнер тоғысқан туынды.
Қайдан көруге болады: Әзірге кинотеатрларда (стримингке шамамен 6 айдан кейін шығады)
Фильм не туралы:
Айлакер авантюристің ешкім сенбеген арманы мен қайсар мінезі туралы оқиға. Мақсат жолындағы табандылық пен тәуекел құнын көрсететін фильм.
Қайдан көруге болады: Қазір кинотеатрларда (стримингтерге 2026 жылы шығады деп күтілуде)
Фильм не туралы:
Пол Томас Андерсон түсірген саяси триллер. Өткеннен қашып құтылу мүмкін емес екенін және ұстаным мен шынайы өмір қақтығысын суреттейді.
Қайдан көруге болады: Amazon Prime Video, Sky Store – жалға алу немесе сатып алу (кейін Sky Cinema / NOW платформаларында)
Фильм не туралы:
1977 жыл, Бразилия. Технология маманы қуғыннан бой тасалап, ұлына жетуге тырысады. Алайда карнавал кезіндегі қала мерекеден гөрі қауіпті тұзаққа айналады.
Қайдан көруге болады: 2026 жылғы ақпаннан бастап кинотеатрларда
Фильм не туралы:
Апалы-сіңлілердің өміріне беделді, бірақ мінезі ауыр режиссер әкесінің қайта оралуы үлкен өзгеріс әкеледі. Отбасы, өнер және ескі жара туралы терең психологиялық драма.
Қайдан көруге болады: кинотеатрларда
Фильм не туралы:
XX ғасыр басындағы АҚШ-тың солтүстік-батысында өмір сүрген орманшы тағдыры. Баяу, терең ойға жетелейтін, уақыт пен адам табиғатын астастыра бейнелейтін картина.
Қайдан көруге болады: Netflix