Орманға саңырауқұлақ теруге шыққан қызға құтқарушылар көмек көрсетті

Қарағанды облысында орманға саңырауқұлақ теруге шыққан қыз аяғын жарақаттап алды, оған құтқарушылар көмекке барды, деп хабарлайды El.kz интернет порталы. 

«Қарқаралы ауданында ұлттық парк аумағында ТЖМ қызметкерлері 2005 жылы туған қызға көмек көрсетті», - деп жазылған хабарламада.

Белгілі болғандай, саңырауқұлақ теру кезінде ол аяғынан жарақат алып, өздігінен жүре алмаған.

Оқиға орнына келген құтқарушылар зардап шегушіні медициналық зембілге жатқызып, жедел жәрдем бригадасына табыстады.

Саңырауқұлаққа шыққан кезде жазатайым оқиғалардан болдырмау үшін ТЖМ мынадай сақтық шараларын алдын ала қарастыруды ұсынады:

• саңырауқұлақ теруге күндізгі уақытта барыңыз;
• белгілі маршрутпен ғана жүріңіз, жалғыз шықпаңыз;
• өзіңізбен бірге су, тамақ, жылы заттар, қажетті дәрі-дәрмектер, зарядталған батареясы бар телефон алыңыз;
• туыстарыңызға немесе таныстарыңызға орналасқан жеріңіз мен болжамды қозғалыс бағытын хабарлаңыз;
• қоңырау шалудың алдын-ала уақыты туралы келісіңіз;
• ашық түсті киім киіңіз.

Құтқарушылар егер төтенше жағдай болса, 112 нөміріне қоңырау шалуға кеңес берді.