OpenAI компаниясы ChatGPT технологиясына негізделген жаңа онлайн аударма қызметін іске қосты. Жаңа сервис 50-ден астам тілге мәтінді жылдам әрі еркін аударуға мүмкіндік береді.
Компанияның ресми мәліметінше, ChatGPT Translate деп аталған бұл құрал аударма сапасы мен икемділігі жағынан Google Translate-ке бәсекелес бола алады. Қызметтің басты ерекшелігі – мәтінді тек сөзбе-сөз емес, белгілі бір стильде, яғни ресми, бейресми немесе академиялық форматта аудару мүмкіндігі.
Оқи отырыңыз:
Қазір аударма қызметі тек веб-нұсқа ретінде қолжетімді. Мобильді қосымша әлі іске қосылған жоқ. Сонымен қатар OpenAI бұл сервистің ресми түрде қашан толық іске қосылатынын және оны қандай жасанды интеллект моделі басқаратынын нақтылаған жоқ. Осы себепті алғашқы кезеңде жүйе жұмысында кейбір техникалық тұрақсыздықтар болуы мүмкін.
Айта кетейік, OpenAI соңғы уақытта жасанды интеллект мүмкіндіктерін кеңейтуге бағытталған бірқатар жаңа сервистерді таныстырып келеді.