Күнделікті өмірімізде біз түрлі деңгейдегі қиындықтарға тап боламыз. Олар денсаулық, қаржы, қарым-қатынас, жұмыс, мансап және жеке мақсаттар сияқты негізгі салаларда кездеседі. Кейде бұл ұсақ-түйек сияқты көрінсе де, уақыт өте келе олар жиналып, үлкен күйзеліс пен тоқырауға әкелуі мүмкін, деп хабарлайды El.kz интернет порталы.
Алайда ешқандай кедергі біздің жеке дамуымызды тоқтатпауы тиіс. Маңыздысы — өзгерістерге бейімделіп, қиын сәттерде де алға жылжуды жалғастыру. Осы жолда көмектесетін 20 пайдалы әдетке назар аударыңыз:
Мәселелер тізімін жасап отыру
Айына кем дегенде бір рет өміріңіздегі барлық мәселелерді жазып шығыңыз. Бұл олардың нақты санын түсінуге, маңыздылығын бағалауға және тиімді шешу жолдарын табуға көмектеседі. Жазып алынған қиындықтарға қарап, қайсысы шынайы проблема екенін, ал қайсысы уақытша сезім екенін ажырату оңайырақ болады.
Мәселелерді маңыздылығы мен шұғылдығы бойынша сұрыптау
Барлық мәселе бірдей маңызды емес. Кейбіреуі тек уақытша немесе сыртқы әсерлерге байланысты туындайды. Алдымен денсаулық пен қауіпсіздік сияқты басым бағыттарға назар аударыңыз. Бұл тәсіл маңызды істерді кейінге қалдырмай, артық уайымнан арылуға көмектеседі.
Ойлау қабілетін шынықтыру және мықты психология қалыптастыру
Өмірдің қандай жағдайы болмасын, оған деген көзқарасымыз бәрінен маңызды. Америкалық жазушы Чарльз Свиндолл айтқандай, «Өмірдің 10% — бұл бізбен не болатыны, ал қалған 90% — біз оған қалай қарайтынымыз». Сондықтан күнделікті ойлау дағдыларын жетілдіріп, қиындықтарды өсу мүмкіндігі ретінде қабылдауды үйреніңіз.
Қаржылық қауіпсіздік үшін ақша жинау
Болашақта не болары белгісіз. Күтпеген шығындарға дайын болу үшін тұрақты түрде қаражат жинап отыру керек. Ай сайын жалақыңыздың белгілі бір бөлігін арнайы шотқа аударып, сол жинаққа қол тигізбеуді әдетке айналдырыңыз.
Болашақта сұранысқа ие дағдыларды меңгеру
Технология мен еңбек нарығы үнемі өзгеріп отырады. Сондықтан кәсіби бәсекеге қабілеттілікті сақтау үшін үздіксіз білім алып, жаңаша дағдылар үйрену өте маңызды. Ай сайын кем дегенде бір жаңа қабілетке уақыт бөліп, оны практикада қолдануға тырысыңыз.
Бірнеше табыс көзін қалыптастыру
Негізгі жұмысыңызбен шектелмей, қосымша табыс көздерін де дамытыңыз. Мысалы, кеңес беру, мақала жазу, онлайн курстар өткізу немесе фриланс жобаларға қатысу. Бұл қаржылық тәуелсіздікке қол жеткізуге көмектеседі.
Инвестиция жасау
Ақшаны тек жинап қоймай, оны тиімді айналымға енгізу де маңызды. Инвестиция арқылы пассивті табыс көзін құруға болады. Бұл үшін мамандардың кеңесіне жүгінген дұрыс.
Кәсіби даму бағыттарын анықтау
Кем дегенде екі салада өзіңізді дамытуды мақсат етіңіз. Таңдаған бағыт бойынша кітаптар оқып, онлайн курстардан өтіп, сол салада жетістікке жеткен адамдармен байланыс орнатыңыз.
Жұмыс кезіндегі күйзелісті болдырмау
Үзіліс жасауды ұмытпаңыз, күнделікті жоспарды нақты әрі қысқа етіп құрастырыңыз. Бір уақытта бір ғана іске назар аударыңыз. Өзіңіздің биоритмдеріңізді ескеріп, жұмыс кестесін соған сай реттеңіз.
Толыққанды демалу
Ұйқы мен моральдық демалыс — денсаулықты сақтаудың басты шарттарының бірі. Күніне кем дегенде 7-8 сағат ұйықтауды және аптасына бір күн толық демалуды әдетке айналдырыңыз.
Белсенді өмір салтын ұстану
Күн сайын 15-20 минут таза ауада серуендеңіз. Бұл ойыңызды жинақтауға, денсаулықты нығайтуға және стрессті азайтуға көмектеседі.
Табиғат аясында уақыт өткізу
Аптасына кемінде бір рет табиғатқа шығып, тыныштық пен сергектік алуға тырысыңыз. Зерттеулер табиғатта уақыт өткізудің көңіл-күй мен денсаулыққа оң әсерін дәлелдеген.
Қазіргі сәтке назар аудару
Өткен немесе болашақ туралы көп ойлану күйзеліске әкеледі. Сол себепті, қазіргі сәтте өмір сүруді үйреніңіз. Бұл — зейінді арттырудың, өнімділікті және өмір сапасын жақсартудың тиімді жолы.
Әр істі жүйелі құру
Күнделікті әдеттерді нақты уақытпен және жағдаймен байланыстыру арқылы тұрақты жүйе құрыңыз. Мысалы, таңертең жазу, кешке спортпен шұғылдану сияқты.
Спортпен тұрақты түрде айналысу
Жаттығуларды бір уақытта өткізіп, арнайы музыкалық тізім дайындап, бұл процесті өзіңіз үшін жағымды әрі ынталандыратын әдетке айналдырыңыз.
Өмірге мағына қосу
Өзіңіз үшін маңызды нәрселерді анықтаңыз: отбасы, достар, сүйікті ісіңіз. Осындай істерге көбірек уақыт бөліңіз — бұл өмірдің сапасын арттыруға көмектеседі.
Бақылаудан тыс нәрселерге алаңдамау
Ауа райы, басқа адамдардың пікірі немесе экономикалық жағдай сияқты факторларға уайымдаудың қажеті жоқ. Өз қолыңыздағы істерге назар аударыңыз.
Проблемаларды шешуде икемді болу
Бұрын жұмыс істеген шешімдер бүгін нәтиже бермеуі мүмкін. Сол себепті, әр жағдайға жаңа көзқараспен қарауға және балама жолдар іздеуге дайын болыңыз.
Жеке өмір үшін жауапкершілік алу
Қиындықтар — өмірдің ажырамас бөлігі. Бірақ мәселе олардың бар-жоғында емес, біз оларды қалай қабылдап, жеңе алатынымызда.
Әр қиындықтан даму мүмкіндігін көру
Кез келген мәселе — өсуге және жаңа биіктерге жетуге берілген мүмкіндік. Осыны түсініп, қиындықтарға тек кедергі ретінде емес, тәжірибе жинақтау жолы ретінде қараңыз.