Үкімет басшысы Олжас Бектенов кейбір өңірлерде су тасқыны салдарын жою жұмыстарының қарқыны баяу екенін айтты, деп хабарлайды El.kz ақпарат агенттігі.
Премьер-министр Батыс Қазақстан, Ақтөбе облыстарында жұмыс баяу жүріп жатқанын атап өтіп, әкімдіктерге өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырды.
Азаматтарымыздың қиын жағдайына түсіністікпен және жан-жақты мұқият қараңыздар. Жұмыстарды кешіктірмей, барынша тездету керек. Қанат Алдабергенұлы, қатаң бақылауда ұстаңыз, – деді Олжас Бектенов.