Қазақстан әйелдер құрамасының мүшесі Назым Қызайбай Париж Олимпиадасының жолдама иегері атанды, деп хабарлайды El.kz ақпарат агенттігі.

Бокстан Бангкокта (Таиланд) өтіп жатқан шешуші лицензиялық жарыста 2 дүркін әлем чемпионы, 50 келі салмақ дәрежесіндегі боксшы Назым Қызайбай Солтүстік Кореяның жас спортшысы Канг Су Хуангты 5:0 есебімен жеңді.

Қазақ қызы үшінші раундта қарсыласын нокдаунға түсірді.  

Айта кетейік, бұл Назым Қызайбайдың алғашқы Олимпиадасы болмақ.