Бұл туралы БАҚ өкілдері экология және табиғи ресурстар министрі Ерлан Нысанбаевтан сұрады, деп хабарлайды El.kz ақпарат агенттігі.
ӨКМ операторы - бүгінде 100 пайыз мемлекеттік кәсіпорын. Бұған дейін бұл жеке кәсіпорын болған және оның да кәсіпорны болған шығар. Ол жағын нақты білмеймін. Бүгінгі күні ресми түрде мәлімдеймін бірде-бір кәсіпорынға, қоқыс басқарушыға, қоқысты қайта өңдеуге және сұрыптауға Назарбаеваның қатысы жоқ, - деді экология және табиғи ресурстар министрі Ерлан Нысанбаев.
Еске сала кетейік, бұған дейін Әлия Назарбаеваның компаниясы Астанада қоқыс шығару бойынша қызмет көрсетіп, қоқысты жағу бойынша зауыт салуды ұсынғаны хабарланған болатын. Ерлан Нысанбаев брифинг барысында қазір Қазақстанда қоқыс жағатын кәсіпорын салу жоспары жоқ деп жауап берген еді.
Айта кетейік, бұған дейін «ӨКМ Операторы» ЖШС бұрынғы құрылтайшысы болып келген Әлия Назарбаеваның үй қызметшісі Шынар Мұхтарова сотқа процессуалдық келісім жасау туралы туралы өтініш берген болатын.