«Азаматтарға арналған үкімет» мемлекеттік корпорациясы Конституция күніне байланысты Қазақстанның Халыққа қызмет көрсету орталықтары (ХҚО-лар) мен мамандандырылған ХҚО-лары 28, 29 және 30 тамызда жұмыс істемейтінін мәлім етті, деп хабарлайды El.kz
«Облыс орталықтары мен республикалық маңызы бар қалалардағы кезекші ХҚО-лар 29 тамызда 9.00-ден 13:00-ге дейін қызмет көрсетеді. 29 тамызда «Қазпошта» АҚ тарапынан жоспарланған техникалық жұмыстарға байланысты кезекші ХҚО-ларда кассалар арқылы мемлекеттік баж төлеу мүмкіндігі болмайтынын ескертеміз. Клиенттер мемлекеттік қызметтерді банк қосымшалары мен QR-код арқылы төлей алады.
27 тамыз жұмыс күні болып бекітілгенін тағы еске саламыз. Бұл күні ХҚО-лар мен мамандандырылған ХҚО-лар әдеттегі кесте бойынша жұмыс істейді. 31 тамызда ХҚО-лар мен мамандандырылған ХҚО-лар жұмысын қайта бастайды»,-делінген хабарламада.