Бұл жолы «Ел ішінде» – белгілі жыршы, ҚР мәдениет қайраткері Берік Саймағамбетов. Ол Қызылорда облысы Жалағаш ауданының Таң ауылына барып, халықтың тұрмыс-тіршілігімен танысты. Таң ауылы таңдай қақтырады. Мұнда заман талабына сай балабақша, мектеп, спорт кешені және дәрігерлік амбулатория бар. Сондай-ақ 15 түрлі ет өнімін шығаратын цех та ерекше назар аудартады. Мұндай кәсіпорын кейбір қалалардың өзінде жоқ.