Мексиканың оңтүстігінде жол апатынан 41 адам ажал құшты, деп хабарлайды El.kz ақпарат агенттігі.
Қайғылы оқиға Табаско штатында болды. Алдын ала мәлімет бойынша, жүк көлігі қарсы бетке шығып, автобуспен соқтығысқан. 2 көлік те толығымен жанып кеткен. Автобуста 48 адам келе жатқан.
Көз жұмғандар арасында 38 жолаушы және 2 көліктің жүргізушілері бар. Апат орнында құтқару және тазарту жұмысы әлі жүріп жатыр.