Мәжілісте экономикалық қылмыстарды декриминализациялау туралы дөңгелек үстел өтті, деп хабарлайды El.kz ақпарат агенттігі.
Жиынға Мәжіліс Төрағасының орынбасары Дания Еспаева жетекшілік етіп, оған депутаттармен қатар тиісті өкілетті органдардың өкілдері қатысты.
Мемлекет басшысы «Әділ Қазақстанның экономикалық бағыты» атты Қазақстан халқына кезекті Жолдауында экономикалық құқық бұзушылықтарды одан әрі декриминализациялауды жүргізуді және салық қылмыстары бойынша кәсіпкерлерді қылмыстық жауапкершілікке тарту нормаларының шегін айқындаудың әділ тетігін енгізуді тапсырған болатын.
Осы негізде қойылған міндеттерді егжей-тегжейлі талқылау мақсатында мүдделі мемлекеттік органдар мен ұйымдардың ұсыныстары мен пікірлері тыңдалды.