Павлодар облысындағы «Майқайыңалтын» АҚ кен орнында автобустың шұңқырға құлаған видеосы тарады, деп хабарлайды El.kz ақпарат агенттігі.
Видеодан автобустың шұңқырға құлап кеткенін көруге болады, ал артында келе жатқан жеңіл көлік тоқтап үлгерген.
Естеріңізде болса, 4 қаңтар күні кен орнында құтқарушылар мінген автобус 60 метр тереңдікке құлап кеткен болатын. Көлікте болған төрт адамның екеуінің денесі табылғанымен, қалған екеуін іздестіру жұмыстары әлі жалғасуда. Аршу жұмыстарының жалғасып жатқанына бүгін 11-күн.