«Қолдау» орталығы» Маңғыстау облысының жастар саясаты мәселелері жөніндегі басқармасының тапсырысы негізінде «ЖАСТАР ЕQ» жобасын бастады, деп хабарлайды El.kz ақпарат агенттігі өңірлік жастар ресурстық орталығына сілтеме жасап.
Жобаның мақсаты- жастардың психологиялық мәдениетін қалыптастыра отырып, психикалық, менталдық денсаулығын нығайтып, жастардың эмоционалды интеллектісін (ЕQ) көтеруге ықпал ету.
Сонымен қатар, олардың өзіне-өзі қол жұмсау деректерін мейлінше азайту және алдын алу. Аталған мәселеге қоғамның барлық тобын, атап айтқанда, үкіметтік емес ұйым, БАҚ өкілдерін, әртүрлі салада жетістікке жеткен азаматтарды, қоғамдық пікір көшбасшыларын аталған мәселелерді шешуге жұмылдыруға бағытталған.
Жоба Маңғыстау облысының аумағындағы 18-35 жас аралығындағы барлық жасты қамти отырып, 1 мамыр - 30 қараша аралығында жүзеге асыру жоспарланған.
Жобаның негізгі мақсатты тобы – Маңғыстау облысының жастары, психолог мамандар, мектеп оқушылары, колледж, университет студенттері, ата-аналар. Жоба командасы сонымен қатар, жобаны қолдаушылармен, пікір көшбасшылары, қоғам белсенділері, серіктестермен және мемлекеттік органдармен бірлесе қызмет атқаруды көздейді. Жобаға еріктілер мен әлеуметтік желі қолданушылары да қолдау көрсете алады,- дейді ұйымдастырушылар.
Жоба аясында:
- Маңғыстау облысы жастарының кемінде 5%-ы ментальды денсаулық сақтау бойынша ақпараттандырылады;
- Аймақта республикалық сарапшыларды тарта отырып кемінде 5 компонентті (эмоционалды инттелектті дамыту, суицидология, бала психологиясы, адам дағдарысы, ата-ана мен бала қарым қатынасы және т.б.) оқыту ұйымдастыру арқылы жастарғаи психологиялық көмек көрсете алатын кемінде 20 коуч-психолог маманы пайда болады;
- Облыс көлемінде 3 психологиялық семинар-тренинг ұйымдастырылады;
- Жастар арасындағы зорлық-зомбылық, суицид, әртүрлі тәуелділіктің алдын алуға бағытталған әдістемелік құрал (практикалық жұмыстар жинағы) пайда болады;
- Жастардың арасындағы әлеуметтік жағымсыз құбылыстардың алдын алуға бағытталған «ағартушылар десанты» барлық елді мекенде кемінде 5000 жасты қамтитын кездесулер ұйымдастырады.