Ақтауда 2022 жылдың тамыз айында жемқорлық бойынша айыпталған Спорт және дене шынықтыру басқармасының бұрынғы басшысы Қанат Жұмабаевқа қатысты сот талқылауы аяқталды, деп хабарлайды El.kz ақпарат агенттігі.
Спорт және дене шынықтыру басқармасының бұрынғы басшысына қатысты сот процесі Ақтау қалалық сотында өтті. Қанат Жұмабаевқа ақтау үкімі шығарылды.
Ол тоғыз айға жуық тергеуде болды. "Каспий" футбол клубының атқарушы директоры Әлібек Оразғалиев бұл істе жәбірленуші ретінде жауап берді.
Қанат Жұмабаев 2022 жылдың тамыз айында Маңғыстау облысының дене шынықтыру және спорт басқармасының басшысы болып жұмыс істеген кезде жұмыс орнында ұсталған. Шенеунік бюджет қаражатын ұрлады деп айыпталған еді.