"Манчестер Ситидің" жартылай қорғаушысы Илкай Гюндоган Каталонияның "Барселона" клубына ауысты, деп хабарлайды El.kz ақпараттық агенттігі.
Испания клубы неміс футболшысының қатарға қосылғанын ресми растады. Илкайдың «қалалықтармен» келісімшарты 30 маусымда аяқталады.
Ал "Барселонамен" келісімшарты 2025 жылға дейін есептелген. Оны тағы бір жылға созуға болады.
32 жастағы Гюндоган "Манчестер Сити" сапында 2016 жылдан бері өнер көрсетеді.
Бұл маусымда Гюндоган ағылшын премьер-лигасында (АПЛ) 31 матч өткізіп, 8 гол соқты және 4 нәтижелі пас берді. Бұған дейін ол "Боруссия" және "Нюрнберг" клубтарында өнер көрсеткен.