Өскеменде «Mamma mia!» мюзиклінің премьерасы өтті, деп хабарлайды El.kz ақпарат агенттігі.
Мюзиклде Швецияның «ABBA» тобының 22 хит әні шырқалды. Оның ішінде: «Dancing Queen», «Money Money Money», «Take a Chance on Me», «The Winner Takes It All» және «Mamma Mia» әндері бар. Спектакльдегі диалог ағылшын тілінен қазақ тіліне аударылған, ал ондағы хит әндер ағылшын тілінде түпнұсқада орындалды.
Музыкалық спектакльге Шығыс Қазақстан облыстық драма театрының актерлері, сондай-ақ облыстық филармонияның солистері, әртістері және бишілері қатысты. Дәстүрлі аспаптық бөлімді бас дирижер, Қазақстан Республикасына еңбек сіңірген қайраткер Александр Галсановтың жетекшілігімен облыс әкімінің симфониялық оркестрі орындады, - деді Шығыс Қазақстан облысы мәдениет басқармасының басшысы Нұрболат Ахметжанов.
Айта кетейік, бұл мюзикл 1999 жылдан бері әлемнің 140-тан астам қаласында қойылған. Осы уақыт ішінде мюзиклді 27 миллионнан астам адам тамашалаған.