Отандық былғары қолғап шебері Махмұд Сабырхан Ливерпульде өтіп жатқан әлем чемпионатының жартылай финалына жолдама алды, деп хабарлайды El.kz интернет порталы.
55 келіге дейінгі салмақтағы боксшымыз ширек финалда жапониялық Руй Ямагучимен қолғап түйістірді. Отандасымыз алғашқы раундтан-ақ басымдық танытып, қарсыласын нокдаунға жіберді. Осылайша қазақ спортшысы төрешілердің шешімі бойынша айқын басымдықпен жеңіске жетті.
Енді Махмұд Сабырхан 13 қыркүйекте Чуанг Люмен (Қытай) финалдық жолдаманы сарапқа салады.